Күбәк урта гомуми белем бирү  мәктәбендә  Чернобыль атом электростанциясендә булган аварияне ликвидацияләүдә катнашучы   Исмәгыйлев  Мирхафизан,  Төхфәтуллин  Фәрит, Әлмөхәммәтов  Рәйхан һәм   “Маяк” халыкны социаль яклау үзәге җитәкчесе Бухарин  Николай Анатольевичлар  белән очрашу булды.   Кичә башында тәкъдим ителгән   “Атом төше энергиясен тыныч максатларда куллану” дип исемләнгән видеоролик    укучыларда   кызыксыну уятты, сөйләшү темасының мөһимлеген аңларга ярдәм итте.  Николай Анатольевич  Чернобыльдә  төзекләндерү, зыянсызландыру эшләрендә катнашкан ир-егетләрне  чын батырларга тиңләде. Ул укучыларга  мөрәҗәгать итеп: “ Туган илебезнең иминлеген саклау, яклау өчен сез дә һәрчак әзер булыгыз, кыю һәм батыр булып үсегез!”- диде.