Бүген мәктәптә “Бер күрешү-үзе бер гомер” дип аталган студентлар белән очрашу кичәсе үтте. Кичәдә яшь, чибәр, уңган-булган, бер урында тик тора белмәгән, юмор хисенә бай, юк-бардан кызык ясый белә торган, иртән беренче дәресләргә йоклап калган вакытлары булган, «автомат» сүзен яратучы, «әни ашлары»н сагынучы, декабрь һәм июнь айларын «зарыгып» көтүче һәм башка бик күп сыйфатларга бай булган  КФУ (Яр Чаллы, Казан, Алабуга)ның төрле факультетларында , Әлмәт техникум-институтларында, Псков юридик институтында укучы студентлар чыгарылыш класс укучыларына үзләренең теләкләрен җиткерде. Кичәне Гарипова А. һәм Тимеркаева Я. алып барды.  Студентлар үзләренең укытучыларына сәламнәрен җырлары аша җиткерделәр.