26 апрель көнне “Мизгел” яшьләр үзәгендә  “ Безнең күңелләрдә син, Тукай!” исемле әдәби-музыкаль кичә  узды. Кичәне лицейның татар теле һәм әдәбияты укытучылары Латыйпова А.Г., Ситдыйкова Ч.И., Ситдыйкова Э.Д. әзерләделәр. Әлеге чарада лицей укучылары Тукай әсәрләренең геройлары катнашында сәхнәләштерелгән күренеш күрсәттеләр, бәйрәмне 11б сыйныфы укучысы Латыйпов Артур һәм 9Асыйныфы укучысы Габдрахманова Айсылу алып бардылар.  Иванова С.А. җитәкләгән театр түгәрәге укучылары куйган  “Тукай әкиятләре буйлап...” исемле композиция кичәнең матур бизәлеше булды (музыка җитәкчесе- Заянова Л.Р.). Бәйрәмдә Мөслим муниципаль районы башлыгы, район Советы рәисе Ришат Рәшитович Хәбипов, район башлыгы урынбасары Лилия Яссировна Садриева, якташ язучыларыбыз, ветеран укытучылар, хөрмәтле кунаклар, район мәктәпләренең татар теле һәм әдәбияты укытучылары һәм әдәбият сөюче укучылар җыелган иде.