Туган телләр һәм халыклар бердәмлеге елы кысаларында, бүген лицейда ​ «Мин-милләтемнең горурлыгы” исемле флешмоб- акция узды. Әлеге флешмобка татарлыгы белән горурланучы яисә башка милләттән булып та татар милләтен хөрмәт итүче һәркем кушылды. Акция милли киемнәребездә халыкның гасырлар буена тупланган акылы, тәҗрибәсе, тарихы ​ чагылыш табуы хакында искә төшерде. Татарларның милли киеменең бер өлеше булган калфак һәм түбәтәй кигән кыз-егетләр матур, затлы, инсафлы, алар- милләтебезнең горурлыгы!