Бүген район үзәк  китапханәсендә, Ватанны саклаучылар көне уңаеннан, Чечняда сугыш хәрәкәтләрендә биш тапкыр катнашкан Камалов Ирек Тимергали улы катнашында «Яшен капкалар» дип исемләнгән портрет кичәсе узды. Әлеге чарада лицейның 5 сыйныф укучылары катнашты. Ирек Тимергалиевич укучыларга сугыш авырлыкларын, сугыш кырында үткәрелгән тормыш турында сөйләде. Хикәя төрле атрибутлар һәм артефактлар, хәрби кирәк-яраклар, шулай ук кайнар нокталардан язган солдат хатлары белән тулыландырылды.  Чара ахырында Ирек Тимергалиевич балаларга Калашников автоматының ничек эшләнүен күрсәтте һәм аның үрнәгендә балалар әлеге автоматны сүтеп-җыюда көч сынашты.