Педагоглар һәм остазлар елы кысаларында ветеран укытучы, озак еллар мәктәбебез директоры вазифасын башкарган Галимов Мирзанур Миргалим улын туган көне белән котладык. 

Мәктәпкәчә яшьтәге балалар төркемнәре белән "Күңелле эстафета" уеннары оештырылды. 

Башлангыч сыйныфларда " Әти- әни салган эзләр" темасына гаилә бәйрәме узды. Әти-әниләр үз балаларына нинди эзләр калдыра? Балалар һәм әти-әниләр бергәләп шул сорауга җавап эзләделәр. Бәйрәм матур җыр, бию һәм шигырьләр белән үрелеп барды. 

Педагоглар һәм остазлар елы кысаларында пенсиядәге математика укытучысы Шәрифуллина Рәҗибә Сәет кызын бәйрәм белән котладык. Ул озак еллар белем һәм тәрбия биргән остаз, "Мәгарифтәге казанышлары өчен" күкрәк билгесе иясе.

Бүген кечкенәләр төркемендә гаилә бәйрәме узды. Балалар үзләренең җыр-биюләрен бүләк иттеләр, бергәләп күңелле уеннар уйнадылар.

Балалар авыл мәдәният йортында уздырылган бәйрәм концертында чыгыш ясадылар.

Педагоглар һәм остазлар елы кысаларында халык мәгарифе отличнигы, 36 ел балаларга башлангыч белем биргән Фәһимова Шәмсия Мирсалих кызын бәйрәм белән котладык.

Юл хәрәкәтенең яшь инспекторлары оешмасы төзелүгә бүген 50 ел. Шул уңайдан балалар юл кагыйдәләре турында мультфильм карадылар, кагыйдәләрне искә төшерделәр.

Хәрби-патриотик айлык кысаларында укучылар белән "Күңелле эстафета" уеннары уздырдык. Балалар командаларга бүленеп саф һавада ярыштылар, уеннар уйнадылар, ахырда "мина" ны эзләп табып, зарарсызландырдылар.

Башлангыч сыйныф укчылары белән "Мөһим мәсьәләләр турында" проекты кысаларында "Гаилә кыйммәтләре" дигән класс сәгате үткәрелде, балалар үзләренең гаиләләрендәге гореф-гадәтләр турында әңгәмәдә катнаштылар.