Бүген коллективыбыз белән "Татарча диктант" акциясендә катнаштык.

Мөгаллимнәр һәм остазлар елы кысаларында һәм өлкәннәр декадасында укытучылар көне уңаеннан Метрәй мәктәбендә 38 ел математика фәненнән балаларга белем һәм тәрбия биргән ветеран мөгаллимебез, укучыбызның әбисе Рәҗибә Сәетзада кызы белән җылы очрашу булды.

Бүген укытучыларыбызны бәйрәм белән котладык. Балаларыбыз яраткан апаларына изге теләкләрен җиткерделәр.

Коллективыбыз белән мобилизацияләнгән якташларыбызга шифалы үлән чәйләре әзерләдек. 

Укучыларыбыз көзге табигатькә экскурсиягә чыктылар. Алар көзге табигатьтәге үзгәрешләрне күзәттеләр, үзләре кызыксынган сорауларны бирделәр, саф һавада күҗелле ял иттеләр. 

"Өлкәннәр көне" уңаеннан оештырылган чарада Метрәй башлангыч мәктәбе укучылары әби- бабайларны бәйрәм белән тәбрикләделәр. Балаларның чыгышы остазларыбыз күңеленә хуш килде.

Балаларыбыз көн саен саф һавада йөгереп, физик күнегүләр ясыйлар. Иртәнге зарядка көн дәвамына җитәрлек энергия бирә.

Инфекцион авыруларны кисәтү максатыннан, көн саен балаларның температурасы үлчәнә, бүлмәләр җилләтелә, әти-әниләр арасында аңлату эшләре алып барыла.

Мөһим мәсьәләләр буенча сөйләшүдә "Үзәк сайлау комиссиясенең барлыкка килүенә - 30 ел" темасына сөйләштек. Депутат, сайлау, бюллетень , идарә итү, Метрәйдәге сайлау комиссиясе членнары турында сөйләштек.

Остазлар һәм педагоглар елы кысаларында уздырылган бәйрәмдә катнаштык. Мәктәбебез белән 33 ел җитәкчелек иткән Мирзанур агага Мәгариф идарәсе җитәкчесе Лилия Ягъдиевна  түбәтәй бүләк итте, барлык остазларыбыз көчле алкышлар астында кызыл келәмнән узды.