Мәктәбебездә башлангыч сыйныфларының традицион бәйрәме-Уңыш бәйрәме булды. Бәйрәмнең бер өлешендә укучылар төркемнәрдә "Тылсымлы шакмак" уенын уйнадылар. Икмәк, иген, уңыш турында белемнәрен арттыру белән бер рәттән үзләренең белемнәрен дә сынадылар. Файдалы да, күңелле дә бәйрәмнән балалар, әти-әниләр, кунаклар канәгать калды.

Мәктәпкәчә яшьтәге төркем балалары көз бәйрәме үткәрделәр.Бәйрәмгә кунак булып көз кызы Сөмбелә дә килгән иде.  Әти-әниләр тарафыннан ясалган,  көзгә багышланган рәсемнәр конкурсына йомгак ясалды. 

"Буыннар очрашуы" темасына тормыш дәресе 92 яшьлек Заянова Шәмселбанат Мифтах кызы, аның кызы Шайгарданова Тәслимә Баян кызы, киленнәре Гөлфинә, аларның кызы 2 сыйныф укучысы Зилинә белән укучылар өчен тәрбияви очрашу буларак узды.

Көз бәйрәменә  1-3 яшьлек нәниләребез  әти - әниләренә зур бүләк әзерләделәр. Алар " Шалкан " әкиятен сәхнәләштерделәр. Үзләренең оста уйнаулары белән әти - әниләрен,тәрбиячеләрен сокландырдылар.

Башлангыч  сыйныф укучылары әби-бабайларны мәктәпкә кунак итеп чакырдылар. Укучылар әби-бабайлар белән бергәләп “Тормыш эзләре” буенча сәяхәт иттеләр.  Алар “Әдәплелек”, “Җитезлек”, “Бәхет”, “Шатлык” эзләрендә булдылар. Бәйрәм бик күңелле һәм файдалы үтте.

5 нче октябрь көнне мәктәбебездә ветеран укытучылар һәм тәрбиячеләр белән Укытучылар көненә багышланган очрашу узды. Башлангыч сыйныф укучылары бәйрәм котлаулары җиткерделәр, кичә кызыклы уеннар һәм истәлекләр белән үрелеп барды.

Бүген Зифа Басыйрова исемендәге мәдәният йортында районкүләм Укытучылар көне зурлап бәйрәм ителде. Бу тантанада мәктәбебездән тәрбияче Шәрифуллина Р.Ф. һәм башлангыч сыйныфлар укытучысы Әхмәтвәлиева Л.Н. зур бүләкләргә лаек булды.

Әхлакый һәм рухи үсеш елы кысаларында игълан ителгән район грантларына йомгак ясалды. Мәктәбебез директоры  Яббарова Синара Ягъфәр кызы "Туган телем - анам теле" номинациясендә 2 нче урын алуга иреште. Иҗадилыкка, яңалыкка омтылучы тынгысыз, максатчан җитәкчебезне чын күңелдән котлыйбыз!

Мәктәп укучыларыбыз авыл табигатенә экскурсиягә чыктылар. Балалар көзге табигатьтәге төсләрне, үзгәрешләрне күзәттеләр. Агач яфракларыннан гербарийлар ясадылар.

Мәктәпкәчә яшьтәге балалар төркеме көзге урманга экскурсиягә бардылар. Ел фасыллары алышыну белән табигатьтә нинди үзгәрешләр булуы турында сөйләштеләр, иркенләп ял иттеләр.