Буген, ягъни 4нче октябрь көнне Укытучылар көне уңаеннан Мөслим мәдәният йортында мөгәллимнәргә багышланган бәйрәм кичәсе узды.Тантана Мөслим муниципаль район Башлыгы Р.Х.Муллин,мәгариф идарәсе начальнигы Р.Т.Демидов котлау сүзләреннән башланып китте.Алар тарафыннан укытучыларга һәм хезмәт ветераннарына мактау грамоталары тапшырылды. Алар рәтендә Г.Тукай исемендәге мәктәп укытучылары бихисап. "Ел укытучысы" бәйгесендә призерлар Й.Р. Асадуллина һәм Г.Р. Мирсалихова; "Ел сыйныф җитәкчесе" бәйгесендә 2 урынны алган Л.М. Хузягалиева,  "30 ел педагогик стажы булган мәгариф хезмәткәрләре" номинациясенә ия булган Р.Н. Ахмедзянова; "Иң яхшы татар теле һәм әдәбияты укытучысы" бәйгесе җиңучесе Г.И.Залилова мактау грамоталарына лаек булдылар.