Кичә,12 нче март көнне район мәдәният йортында Мөслим урта гомуми белем бирү мәктәбенең "Тел.Вакыт.Киләчәк." дип исемләнгән ата-аналар университеты узды.Кунакларыбыз өчен "Милли үзаң-белем тәрбия нигезе" мәктәпкүләм проекты күргәзмәсе оештырылды.Җыелыш укучылар тарафыннан әзерләнгән концерт белән башланып китте.Аннан соң мәктәп директоры И.Д.Миргалимов әти-әниләрне 1 нче чирек нәтиҗәләре белән таныштырды.Шулай ук тәрбия эшләре буенча директор урынбасары Р.М.Галееваның "Мәктәптә тәрбиянең үсеш юллары" исемле докладын тыңладык.Җыелыш ахырында Мөслим муниципаль район башлыгы Р.Х.Муллин чыгыш ясады.Рамил Хәмзович үзенең чыгышында сәламәт,мәрхәмәтле һәм тырыш буын тәрбияләүдә гаиләнең роле бик зур икәнлеген искәртеп үтте. Шунысы куандыра,әти-әниләр баласының укуы,тәртибе белән кызыксыналар;мәктәп белән хезмәттәшлекне хуплыйлар.Бала тәрбияләүдә барыбызга да уңышлар телибез