Әлмәт дәүләт муниципаль хезмәт институты инициативасы белән алтынчы ел шагыйрә Г.Тукай исемендәге дәүләт бүләге иясе К.Булатова исемендәге премия тапшыру тантанасы уздырылды.

Әлмәт дәүләт муниципаль хезмәт институты инициативасы белән алтынчы ел шагыйрә Г.Тукай исемендәге дәүләт бүләге иясе К.Булатова исемендәге премия тапшыру тантанасы уздырылда. 17 нче март көнне узган конкурс гомуми урта белем бирү мәктәпләре, лицей, гимназия укучылары, югары уку йортлары студентлары арасында уздырылды. Катнашучылар “Әдәби иҗат” һәм “Фәнни эш” юнәлешләре буенча көч сынашты.

Клара Булатованың Туган як гимнына әверелгән “Шушы яктан, шушы туфрактан без” дип аталган җыры белән башланып киткән тантанада шагыйрә үзе чыгыш ясады, аның шигырьләре укылды, иҗатына багышланган фәнни эшләр, яшь каләм тибрәтүчеләрнең иҗади эшләре тыңланылды.

Әлеге конкурста Мөслим муниципаль районы мәктәпләрендә укучы балалар бик теләп катнаштылар. Шулар арасында безнең мәктәпнең укучылары да катнаштылар. Мингазова З.И. (лауреат), Биһтагирова И.И. (диплом) ия булдылар. Укытучылары ─ Давлетова Р.Ф.

В рамках Дня английского языка учителем Шакировой С.Ю. был проведён конкурс «Говорим и поём по-английски!» Учащиеся 1-9 классов приняли самое активное участие в этом мероприятии.

Мәктәптә профсоюз җыелышы булды, аны профсоюз лидеры Дәүләтова Р.Ф. үткәрде.

9 нчы март көнне башлангыч укучылары "Әниләр көне"н билгеләп үтте. Бәйрәм кызыклы уеннар, концерт номерлары белән барды. Укучылар үзләренең әниләренә, әбиләренә үз куллары белән ясаган бүләкләрен тапшырдылар. Кичә бәйрәм өстәле белән тәмамланды.

7 март көнне 1 нче сыйныф укучыларының "Әлифба" бәйрәме үткәрелде. Бәйрәм 1 класс укучылары, аларның әти-әниләре өчен сынаулар, табышмаклар, уеннар һәм концерт номерлары белән аралашып барды. Кичә бәйрәм өстәле янында тәмамланды. Бәйрәм бик күңелле үтте.

6 нчы март көнне Казан шәһәрендә  "Учитель наставник" һәм "Старший учитель" грантларында җиңүчеләр өчен семинар булып узды. Анда "Старший учитель" грантына лаек булган география укытучыбыз Шәяхмәтова М.М.катнашты.

В рамках проведения мероприятия по контролю противопожарной безопасности, школу посетил старший инспектор МОНД и ПР по Муслюмовскому муниципальному району РТ УНД и ПР РТУ МЧС по РТ Идиятуллин Р. А. С учениками провёл профилактическую беседу.

27 нче гыйнвар - Ризаэтдин Фәхреддин исемендәге XIV республикакүләм укулары

52 нче гомуми урта белем бирү мәктәбе базасында 27 нче гыйнвар көнне күренекле фикер иясе, мәгърифәтче галим, язучы, журналист, дин әһеле Ризаэтдин Фәхреддин исемендәге XIV республикакүләм укулар оештырылды. Педагогик уку Татарстан Республикасы мәгариф һәм фән министрлыгы, Татарстан Республикасы язучылар берлеге, Татарстан Республикасы Яр Чаллы шәһәре башкарма комитеты мәгариф һәм яшьләр белән эшләү идарәсе, Яр Чаллы педагогия университеты белән берлектә уздырылды. Педагогик укуларга республиканың төрле төбәкләреннән 400 артык эш кабул ителгән. Эшләр Яр Чаллы педагогия университеты галимнәре тарафыннан тикшерелде һәм җиңүчеләр ачыкланды. Анда Р.Фәхреддин мирасын өйрәнүче профессор, филология фәннәре докторы Минегулов Хатип Йосып улы һәм Алабуга, Яр Чаллы галимнәренең чыгыш ясады. Соңыннан укытучылар тарафыннан мастер-класслар күрсәтелде һәм эшчәнлек 4 секциядә дәвам итте. Безнең мәктәпнең татар теле һәм әдәбияты укытучысы – Дәүләтова Р.Ф. катнашты. Ул дипломга лаек булды.

     Тойгелде төп мәктәбендә гомуми фәннәр укытуга зур игътибар бирелә.Төрле фәннәр буенча фән көннәре, фән атналыклары үткәрү укучыларда фәннәргә  кызыксыну уята.

       23 нче январьдан 28 нче январьга кадәр мәктәптә математика укытучылары Хазиева Н.К. һәм Шәйхетдинова Д.А. җитәкчелегендә математика атналыгы уздырылды. Атналык бик кызыклы һәм мавыктыргыч чараларга бай булды. 2-4 нче класслар арасында “Кызыклы математика” исемле викторина,   5-6 класслар арасында математик КВН уздырылды. 7-9  класслар арасында "Көчсез буын"  конкурсы уздырылды. Бу конкурста Идиятуллин Илшат һәм Шәйхетдинова Алиягә тиңнәр булмады Җомга көнне һәр конкурсның җиңүчеләре арасында “Иң зирәк математик” конкурсы узды.  3 нче класстан Әхмәтҗанов Фирзәр,  4 нче класстан Шаяхметов Рөстәм, Минһаҗева Диләрә, 5 нче класстан Биктаһирова Илүзә, Габделхакова Инзилә, Минһаҗева Зөһрә, 8 класстан Ризатдинов Булат, Маннанов Данил, Газымова Илүзә, Шамсетдинова Зәйнәп , 9 класстан Идиятуллин Илшат, Шәйхетдинова Алия математикадан төпле белемгә ия булуларын расладылар. “Иң яхшы математика дәфтәре” конкурсында  Шаяхметова Мәликә, Биктаһирова Зәмирә, Садыкова Гөлинә (1 класс), Газымова Илүзә (8 класс), Минһаҗева Зөһрә (5 класс) һәм Минһаҗева Диләрә (4 класс) җиңүчеләр булды.  9 класс укучылары "Кызыклы математика" исемле стена газетасы чыгардылар.

Атналыкта укучылар бик актив катнаштылар. Алга таба да аларга  уңышлар теләп калабыз.