Яр Чаллының балалар  һәм яшьләр иҗат сарае, Нур”мәдәнияне һәм сәнгатьне өйрәнү бүлеге, Халыкара театр көненә туры китереп, Төбәкара балалар милли театр фестивале - “Сәхнә көзгесе” уздырды. Фестивальдә Чаллы шәһәреннән тыш Татарстан Республикасының 8 муниципаль районыннан –Азнакай, Зәй, Лениногорск, Бөгелмә, Питрәч, Ютазы, Түбән Кама, Саба- 40 тан артык театр коллективлары, барлыгы 370 ләп бала чыгыш ясады. 

   Мондый фестиваль  бездә 10 нчы мәртәбә оештырыла. Бу чара республикадагы балалар театр коллективларын бергә туплауны, сәләтле балаларны ачыклап, аларның иҗатын үстерүне дә, татар драматургларының әсәрләрен пропагандалауны да күз алдында тота. Үз мәктәбеңдә, яисә район күләм чараларда катнашу- ул әле бер нәрсә, ә менә зур сәхнәдә чыгыш ясау – балалар өчен яңа адым.

     Быел фестиваль үзенчәлекле булды: беренчедән, балалар бакчаларыннан килгән төркемнәр катнашты, икенчедән, рус  балалары  татар спектакльләре белән чыгыш ясады.

     Балалар-яшүсмерләр коллективлары алып килгән кызыклы тамашаларны карагач, күңелләрдә канәгатьлек хисе туды. Фестивальның иң абруйлы бүләге- Гран-при быел М.Вахитов исемендәге 2 нче гимназия һәм Гали Акыш исемендәге лицей-интернат театр коллективлары кулында.

Татар телендә нинди кызыклы сәхнә әсәрләре, сәхнәдә югалып калмый, менә дигән итеп уйный, кызыклы образлар тудыра белгән егетләр-кызлар да күп икән  бит бездә. Фестивальдә катнашкан барлык театр сөюче дусларыбызга зур рәхмәтебезне белдерәбез һәм исәнлек-саулык,иҗади уңышлар телибез.