16 нчы мартта “Нур”милли мәдәниятне һәм сәнгатьне өйрәнү бүлеге,”Халкыбыз мирасы” фольклор берләшмәсе җитәкчесе Хәкимова Н.С.  54 нче гимназия  бинасында  2 нче сыйныф укучылары белән төрки бабаларыбыздан калган, ләкин нидер сәбәпле юкка чыгып баручы, 

 «Боз озату” йола- бәйрәме үткәрде. Татар халкында бу йола, аеруча Татарстанның көньяк-көнчыгыш районнарында киң таралган булган, хәзерге вакытта бик сирәк очрый, шулай да соңгы елларда шәһәр һәм авылларда , шул исәптән мәктәпләрдә стильләштерелгән фольклор чара буларак уза башлады.

     Әлеге бәйрәмдә балалар шигырьләр сөйләделәр, йоланың шартына туры китереп  йомыркалар җыеп, такмаклар әйттеләр, төрле ачык һавада уйнала торган :“Капкалы”, “Йомырка ташу”, “Орчык чорнау”, “Әтәчле” кебек уеннар уйнап күңелләрен күтәрделәр.   Йола- бәйрәмнең “магик ягы” да бар ... Яз җитеп,елгалар боздан арынгач,авылның иң өлкән “бабае”төенчектән  бодай алып суга сибә, бу кыш буена җыелып килгән кайгы-борчу-авырулардан котылу ысулы,  бабаларыбыз элек-электән үк агымсуның начар энергитиканы алу сәләтен таныганнар. Шуңа да, татар йолаларына ниндидер юк-барга карагандай карарга кирәкми, барысының да асылында тирән мәгънә ята, моннан тыш күп кенә очракларда алар алыштыргысыз тәрбияви чара булуын да истән чыгармыйк.

  Мондый йола- бәйрәмнәр  уздыру киләчәктә матур  традициягә әйләнсен иде. Үз тамырларыңны белү, йола һәм гореф – гадәтләреңне өйрәнү киләчәккә өмет бирә, яшәргә көч өсти.