Хәрәкәттә бәрәкәт дип әйтергә ярата бездә халык. Тик ни аяныч, яна технологиялэр үсеш алган заманда, кеше хәрәкәткә караганда телевизор, компьютерлар артында утыруны өстенрәк күрә. Бу күренешнең яшүсмерләр арасында киң җәелүе күңелне әрнетә. Шушыларны күздә тотып “НУР” милли мәдәният һәм сәнгать булеге язгы каникул көннәрендә шәһәребез мәктәпләренең башлангыч сыйныф укучылары арасында “ГТО – ул күңелле!” исеме астында үтүче спорт ярышлары үздырды. Спорт-бәйгегә 18 мәктәптән 200дән артык  бала катнашты. Бәйге 7 этаптан торды, һәр этапта балаларны кызыклы эстафеталар белән бер рәттән күңелле биюләр көтте. Этапны узу барышында җингән командалар кәгазь медальләр белән бүләкләнделәр, соңрак исә алар чын медальгә алыштырылдылар. Бәйгедә җиңелүчеләр юк, һәр катнашкан мәктәп медальләр һәм рәхмәт хатлары белән бүләкләнде. Күтәренке кәеф белән уздырылган шушы берничә сәгать сәламәт яшәү рәвешенә бер адым булды!