“Җиңүнең 71 еллыгы”н каршылаган көннәрдә шәһәребезнең бер генә оешмасы да, бу датаны искә алмый, билгеләми узмагандыр. Сугыш һәм тыл ветераннары белән очрашулар, аларга бәйрәм концерты оештырулар бигрәк тә мәктәпләргә хас нәрсә. Шундый җылы эчтәлектәге, матур очрашу  6 нчы май көнне шәһәребезнең 11нче санлы гомумбелем бирү мәктәбендә уздырылды. Бу мәктәп базасында эшләп килүче “Нур” милли мәдәниятне һәм сәнгатьне өйрәнү бүлегенең “Балкыш” вокал студиясенә йөрүче балалар чыгышы өлкән кунакларыбызның күңеленә бигрәк тә хуш килде. Балаларга һәм яшүсмерләргә партиотик тәрбия бирү, Ватанны саклаучылар истәлегенә игътибар уятуны күздә тоткан әлеге чара биредә катнашкан бер генә кешене дә битараф калдырмагандыр. Кичә ашханәдә чәй табыны янында җанлы сөйләшү белән тәмамланды.