13 нче февраль көнне Муниципаль бюджет гомуми белем бирү учреждениесе «Мулланур Вахитов исемендәге 2 нче гимназия»дә башлангыч сыйныф укучылары конференциясе узды.

Муниципаль автоном балаларга өстәмә белем бирү учреждениесе «1 нче санлы шәһәр балалар һәм яшьләр иҗат сарае» «Туган ягым – яшел бишек» берләшмәсендә шөгыльләнүче 16 бала конференциядә катнашып проектларын якладылар. Шулар арасында 10 бала Интернет-проектлар белән чыгыш ясап җиңүгә иреште:

I урын – «Children's theaters of Tatarstan» Интернет-проекты http://tatarstankidtheatre.jimdo.com/ авторы Ризатдинова Мәрьям (8 яшь).

II урын – «Алтын компьютер» Интернет-проекты http://goldcomputer.jimdo.com/ авторы Шарафеев Айнур (10 яшь).

III урын – «Техника» Интернет-проекты http://tehnika.jimdo.com/ авторы Шаехмитов Шамиль (9 яшь).

III урын – «Сабан туе тарихы» темасына презентация авторы Нурисламова Алия (8 яшь).

Интернет-проектлар белән эшләү барышында балалар түбәндәге эш алымнарын кулланды: «Төп теманы ачыклау», «Төп теманы өлешләргә бүлү», «Бу өлешләр арасында логик бәйләнешләрне табу», «Иң төп фикерне аерып чыгару», «Сайт төзү һәм шуңа нигезләнеп, тупланган мәгълүматның эчтәлеген һәм төзелешен сөйләп күрсәтү». Татар телендәге мәгълүматләр чыганагы белән эшләү, актив рәвештә фикер алышу, балаларда туган телгә карата хөрмәт, ярату хисе уята.

Автор: «Туган ягым – яшел бишек» берләшмә җитәкчесе –Мухамадиева Д. М.