26 мартта балалар һәм яшьләр иҗат сараенда Халыкара театр  көненә туры китереп, республикакүләм «Сәхнә көзгесе» балалр мили театр фестивале узды. Фестивальдә Татарстанның шәһәр һәм районнарыннан барлыгы 50 ләп балалар театр коллективлары катнашты. Мондый фестиваль Чаллыда инде 9 нчы мәртәбә оештырыла. Фестиваль быел үзенчәлекле булды: бердән, балалар бакчаларыннан килгән төркемнәр дә катнашты, икенчедән  инде икенче ел рус  балалары татар спектакльләре белән чыгыш  ясады.  Ике көн барган бәйгедә күпме яңа сәлатләр ачылды, кемнәрдер үзенең  булачак һөнәренә беренче адымны ясады.   Гран-прига Түбән Кама шәһәре, 45 нче балалар бакчасы иҗат төркеме лаек булды.  Үзебезнең шәһәр театр коллективларының да узган елга караганда  быел әзерләнү дәрәҗәсе югары. Бик күп театр коллективлары  дәрәҗәле урыннар алдылар. 84 нче лицей җитәкчесе Арсланова В., 7 нче балалар сәнгать мәктәбе – җитәкчесе Ибрагимова В., 54 нче гимназия – җитәкчесе Миркасимова Х. Г.  театр коллективлары осталыклары һәм үзенчәлекле  яклары белән жюри әгъзаләренең хөрмәтен яуладылар. «Сәхнә көзгесе»нең үз сайты бар, һәм катнашкан театр коллективларының  чыгышлары, сценарийлары  шул сайта урын алачак.