Яза алу – үзе олы бәхет,

Иңнәрдә ул канат үстерә...

Өметсезгә яшәү көче бирә,

Бәхетсезгә бәхет китерә...

Түбән Кама каласында язучы, җәмәгать эшлеклесе, Татарстан Республикасы Дәүләт Советы депутаты, Габдулла Тукай бүләге иясе Разил абый Вәлиев инде 19 ел рәттән шәһәр һәм район күләмендә мәктәпкәчә яшьтәге балалар арасында иҗади бәйге үткәреп, тантаналы төстә үз премиясен тапшыра...

- Разил Вәлиев премиясе конкурсы - яшь талантларны барлау һәм аларның сәләтләрен ачуны максат итеп куя. Бәйгедә мәктәп укучылары  катнаша. Безнең лицей да  бу конкурстан читтә калмады. Без, 14 нче лицей исә, мондый иҗат бәйгеләреннән читтә калганыбыз юк, һәрдаим катнашып торабыз. Менә быел да бу бәйгедә катнашучы укучыларыбыз сайлап алу турын үттеләр:

-  Рәхмәтуллина Камилла, 2а (укытучысы Идиятова Р.М.);

-  Гыйләҗев Данис, 3н (укытучысы Нуртдинова Ч.М.);

-  Бәхтиев Тимур, 4н сыйныфы (укытучысы Шмелева Л.Г.);

-  Ганиева Элина, 6н (укытучысы Исмәгыйлева Г.Р.).

Разил абый Вәлиев әйткәнчә: һәр кеше язучы, яисә шагыйрь дә булып китмәс, тик сабыйлар күңелендә ниндидер орлык шытып чыгып, шуны ак кәгазь битенә төшерә алу сәләте, һәрхәлдә, мондый сабыйлар начар юлга басмаслар дигән өмет бирә.

Киләчәктә дә укучыларыбызга иҗади уңышлар теләп калабыз!

Габидуллина Н.И., милли мәгариф буенча директор урынбасары