Сандугач буласың килсә

Шигъриятнең талында,

Моң чишмәсе ургып торсын

Нәни йөрәк-җаныңда...

16 нчы мартта  14 нче лицейда  Түбән Кама муниципаль районы  күләмендә укучы балаларның сыйныф коллективлары арасында “Көйле, моңлы татар җыры - 2018” бәйгесенең  III нче төбәкара сайлап алу туры үткәрелде.  Анда  14, 24 нче лицей;  2, 13, 35, 25, 32 нче гимназияләр;  31, 33, 27, 19, 5, 7, 20, 21, 29 нчы мәктәпләрнең җиңүче дип табылган сыйныф коллективларының хор (7-8 нче сыйныфлар арасыннан бик яхшы җырлаучы сыйныф коллективлары)  һәм ансамбльләре тыңланды.

 Бәйгедә  14 нче лицейдан 7 г ,8 ю  сыйныфы  укучылары“Туган авылым” -  Р. Кәримов сүзләре, Рөстәм Яхин көе;  “ Түбән Кама миләшләре” – М. Хафизов сүзләре,  Фәһим Шәехов музыкасына язылган җырлар белән катнаштылар.

Ансамбльдә 3 укучы чыгыш ясады: Титова Карина (7н), Гончарова Анастасия (8б), Лотфуллина Лиана (8б), аларның репертуарында “Туган як” – В. Фәттахова сүзләре һәм музыкасы,  татар халык җыры - “Сафия такмаклары” бик оста башкарылды.

IY этап – шәһәркүләм йомгаклау туры  (2018 нче елның  27 нче апрелендә)  И.Х. Садыйков исемендәге Балалар һәм яшьләр иҗаты сараенда  уздырыла.  Бәйгедә һәр төбәкнең 1-4 нче, 5-6 нчы, 7-8 нче сыйныфлары арасында җиңүче дип табылган сыйныф коллективлары һәм ансамбльләр арасыннан җиңүчеләр катнашачак.

Кадерле укучылар!  Сынатмассыз, зур җиңүләргә ирешерсез дигән өметтә  ышанып калабыз! 

Шәһәребездә мондый чаралар булганда, милли традицияләребез, буыннан-буынга күчеп килүче җыр-моңнарыбыз киләчәк буынга җиткерелер.

Милли мәгариф буенча директор урынбасары Н.И. Габидуллина