Учащиеся нашей школы приняли участие в акции "Мин  татарча сөйләшәм 2015" ("Я говорю по татарски"), которая стартовала в нашем городе 1 апреля. Акция зародилась в 2005 году по инициативе креативного движения нового поколения "Узебез", организованного молодыми татарскими учеными  и представителями творческой интеллигенции. Одним из направлений этого движения является исследование современной татарской городской молодежной субкультуры и способствование расширению ее сферы. акция способствует привлечению населения, в особенности молодежи, к общению на татарском языке.

"Мин татарча сөйләшәм 2015"

         “Мин татарча сөйләшәм” акциясе кысаларында мәктәптә бәйгенең программмасы төзелде, төрле чаралар уздырылды.

         Җиңүнең 70 еллык юбилеена багышланган “Хәтер-хатирә” кичәсе, “Батырларның даны мәңгелек” шигырь укучылар конкурсы патриотик хисләр тәрбияләсә, ”Тәрҗемә ит”, ”Тамчы-шоу” уен-дәресләре татар теленең матурлыгын,байлыгын, аһәңен күрсәтү белән бергә, аны өйрәнүгә зур кызыксыну да уятты. Балалар үткәрелгән чараларда үзләре өчен бик күп файдалы мәгълүмат алдылар. Мәктәбебез бу көннәрдә татар моңыннан, татарча сөйләшүдән шау-гөр килеп торды. Әлеге чараны үткәрүдә татар теле һәм әдәбияты, музыка  укытучылары күп көч куйдылар.

     10 нчы март көнне 26 нчы мәктәп укучылары  “Шатлык” сәүдә үзәге мәйданында “Мин татарча сөйләшәм” акциясен уздырды. Талантлы малайлар һәм кызлар җыелган халыкны  татар җырлары белән сөендергән арада, төркем-төркем яшьләребез, шәһәрдәшләрнең татар телен белү дәрәҗәсен тикшерү максатыннан, сораулар биреп,  “Мин татарча сөйләшәм” акциясе символикасы түштамгаларын, шарлар һәм татарча белмәүчеләргә үзләре ясаган сүзлекчәләр өләштеләр.  Бәйрәм барышында укучыларыбыз халыкны татарча әңгәмәгә алып чыгу ысулы ярдәмендә, телне белү дәрәҗәсен тикшерүгә, татар җырлары, биюләре аша үз теле белән горурлану хисе уятуга, башка милләт кешеләрен телебезгә карата хөрмәт хисе тәрбияләүгә үз өлешен кертте. Өлкән яшьтәге кешеләрдән мактау һәм рәхмәт сүзләре ишетү укучылар өчен зур бүләк булды. Балаларның саф татар телендә сөйләшүләре, чыгышлары шәһәрдәшләребезне таң калдырды.