15 нче февральдә татар теле һәм әдәбияты укытучысы Мөхәммәтханова Гөлнур Кыям кызы 5-6 нчы сыйныф укучылары белән "Сөйкемле бала" бәйгесен үткәрде.Бәйгедә катнашкан укучыларның татар теле буенча  белемнәре тикшерелде,аеруча фонетика материалын ничек үзләштерүләре ачыкланды;бәйләнешле сөйләм теле үстерелде;халык авыз иҗаты буенча белемнәре тикшерелде.

21 нче февральдә татар теле һәм әдәбияты укытучысы Мөхәммәтханова Гөлнур Кыям кызы "Телебезнен чишмә башы" кичәсен оештырды.Кичә өч өлештән торды: "Туган телем - Тукай теле" әдәби - музыкаль композициясе;укучылар иҗаты белән таныштыру; "Әйдәгез,тамаша карарга" исеме астында Г.Камалның "Беренче театр" спектакленнән өзек күрсәтелде. Аерым укучыларның каләм тирбәтүе,беренче иҗат җимешләрен тамашачыларга җиткерү аеруча куанычлы вакыйга булды.Театр тамашасында катнашучы яшь артистларыбызның киемнәре,рольләрне оста итеп башкарулары,гомумән,сәхнәдә үз-үзләрен тотышлары күңелгә ятышлы булды.

Декада барышында үткәрелгән төрле чаралар аша ана телен өйрәнүгә кызыксыну,шул телдә аралашырга омтылыш,үз милләтеңә,телеңә мәхәббәт тәрбияләү өстендә эш алып бардык.Башка милләт вәкилләренең теле һәм мәдәниятына ихтирам тәрбияләү төп бурычларыбызның берсе булды.