7 а сыйныф укучылары «Россия минем тарихым» тарихи паркының Казан ярминкәсе территориясендә оештырылган, Киләчәккә Билет» Бөтенроссия башлангыч һөнәри юнәлеш бирү проекты кысаларында үтүче  «Киләчәк лабораториясе» күргәзмәсендә булып кайттылар. Күргәзмә интерактив квестлардан тора, аларны узып, катнашучыларның һәркайсына 30дан артык һөнәри тармак һәм 300дән артык һөнәр белән танышып чыгу мөмкинлеге бирелә.  Бу күргәзмәдә укучылар төрле һөнәрләр һәм тармаклар белән уен формасында танышып, һөнәр сайлау вариантларының күптөрлелеген күрә алдылар. Оештыручылар сүзләренә караганда, тәкъдим ителгән экспозицияләр илебезнең хезмәт базары профессияләренең 90% тан артыгын колачлый. Күргәзмә укучылар өчен бик кызыклы һәм бай эчтәлекле булды.