Кабатланмас балачак иленең иң зур бәйрәмнәренең берсе – “Әлифба бәйрәме”. Җир йөзендә кем генә булмасын, кайда гына эшләмәсен, ул зур дулкынлану белән үзенең нәни кулларына тәүге тапкыр “Әлифба” алганын искә төшерә. Чөнки һәркемнең дә белем дөньясына беренче адымы Әлифбадан башлана.

12 нче февраль 1а һәм 1 б сыйныфы укучылары “Әлифба” китабы белән саубуллашу кичәсен уздырдылар. Күптән түгел генә укырга керүләренә карамастан, беренче сыйныфларыбыз инде бик күп төрле һөнәрләр үзләштергәннәр.

“Әлифба” –син белем ачкычы” дип исемләнгән кичә тантаналы рәвештә 1 нче сыйныфларны залга чакыру белән башланып китте.Җырлар, шигырләр белән үрелеп дәвам итте. Укучылар төрле әкият геройлары белән очрашып, үзләренең белемнәрен күрсәттеләр. Беренчеләр яңа җырлар, биюләр өйрәнгәннәр. Бәйрәмдә укучыларыбызның әлифба чорында алган белемнәрен тикшереп карадылар һәм һәрвакыт шундый тырыш булыгыз дигән теләктә калдылар. Бәйрәмгә килгән әти-әниләр укучыларны бу зур бәйрәмнәре белән котладылар, уңышлар теләделәр.

Әлифба бәйрәме һәр бала күңелендә онытылмас бер хатирә булып кереп калгандыр.