Безнең  Россия Яңа елы әле дәвам итә. Иске стиль буенча  аның килүен 13 нче гыйнвардан 14 нче гыйнварга каршы төндә  билгеләп үтәләр. 

 Крещениега  кадәр Раштуаның беренче көннәреннән Святки бара.   Бу күңел ача, бәйрәм итә торган вакыт, әмма акыллы һәм файдалы итеп. Элекке заманнарда яшьләр бу көннәрдә  күңел ачарга яраткан. Шаяртулар,  такмаклар, юраулар белән гыйнвар көннәре узган. 

Барыгызны да  Иске Яңа ел  белән котлыйбыз. 2017 нче елда сәламәт, көр  күңелле  һәм бәхетле булыгыз.

12 гыйнварда прокуратура хезмәткәрләре үзләрене» һөнәри бәйрәмнәрен билгеләп үтә. Закон сагында торучыларны һәм тармак ветераннарын әлеге мөһим дата белән ихлас котлыйбыз.

 11 нче гыйнвар - илебездә тыюлыклар һәм милли парклар көне итеп билгеләп үтелә.

Тыюлыклар - саклык чаралары көчәйтелгән табигый территорияләр - бүгенге көндә, кыргый табигать һәм хайваннар дөньясын, аз гына өлешен булса да, үлемнән саклап калуның бердәнбер чарасы.
Шушы вакыйга өчен 11 нче гыйнвар көне юкка гына сайланмаган. Нәкъ 100 ел элек шушы көнне беренче тапкыр илебездә Баргузин тыюлыгы ачыла.
Хәзерге көндә илебездә 33 миллион гектар мәйданны биләп торучы 100 тыюлык һәм 7 миллион гектар мәйданны алып торучы 35 милли парк бар.
Укучылар сыйныф сәгатьләрендә шушы көннең тарихы, илебездәге кайбер тыюлыклар һәм милли парклар белән таныштылар.

Бүген каникулдан соң беренче уку көне. Укучылар мәктәпкә бик теләп килделәр. 3 нче чирек иң озын чирек булганлыктан, укучыларга бик тырышып, дәрескә нык әзерлек белән йөрергә кирәк булачак.

Бүген балалар лагерь белән саубуллаштылар. "Каникулны исеңдә калдыр" дигән темага рәсем ясадылар, дискотека, концерт номерлары күрсәттеләр, «Веселые снеговики» уеннары уйнадылар.

Лагерьның алтынчы көне "Әйдә, дус булыйк!" дигән девиз астында үтте. Бергәләп чаңгыда, чанада шудылар, хоккей уйнадылар, кар сыннары ясадылар.

Кадерле хезмәттәшебез, Хәлиуллина Венера Мәүлет кызын, 50 яшьлек юбилее белән белән котлап, гомернең иң озынын, бәхетнең иң зурысын, шатлыкның иң олысын телибез. Гаилә тигезлеге, җан тынычлыгы, эшеңдә зур уңышлар, яхшы, күтәренке кәеф юлдаш булсын. Һәрвакытта да шулай шат, көләч йөзле, изге күңелле, ихтирамлы, игътибарлы булып, балаларыңның, якыннарыңның изгелеген күреп, мул тормышта яшәвеңне Ходай насыйп итсен.
Пар канатлы бәхет нуры юлдаш булсын
Мәхәббәтең мәңге сүнмәсен.
Кояш кебек балкып яшә
Күңел гөлең мәңге шиңмәсен.
Булсын ул илле, тулсын ул илле
Бәхет бизәсен якты күңелеңне.
Яшәү ялкыны сүнә белмәсен
Җырлап каршы ал тагын иллене!

Иң изге теләкләр белән , Акбүре төп мәктәбе коллективы!

Хуш киләсең, түрдән уз дип,

Әйтергә дә күңел курка.

Ак карыңнан ак өметләр

Көтелерме тагы юкка?!

Әкиятләргә күп ышанган,

Күп алданган күндәм халык

Яшәр микән бу елда да

Карусызлыкта макталып.

Һәр ел саен күпме түрә,

Матур вәгъдә бирә-бирә,

Дөньялыкның бар ләззәтен

Халык җилкәсендә күрә.

Базар икътисадына да

Тешен кысып түзә халык.

Түземлекләренә син дә

Шаккатырсың, хәйран калып.

Эх, Яңа ел..! Чын әтәчтәй

Гайрәтләнеп уз әле син!

Гади халкым мәнфәгатен

Яклап кулың суз әле син.

Җитәр инде, ел буена

Күп яшәдек маймылланып.

Уяулыкны, аеклыкны

Килсен быел Әтәч алып!

… Теләкләр күп, ашсын гына.

Һәр Яңа ел – үзе өмет!

Уз, Яңа ел, түребездән

Гайрәтле чын әтәч кебек!..