Бүген мәктәп күлендә "Россия чаңгы юлы-2016"  Бөтенрәсәй чаңгы ярышы үтте. Ярышта мәктәп коллективы, укучылар, авыл җирлеге башлыгы һәм балалар бакчасы коллективы актив катнаштылар. Соңыннан катнашучыларны мәдәният йортында кайнар чәй белән сыйладылар һәм бүләкләделәр. Истәлеккә бергәләп фотога төштеләр.

Бүген мәктәптә "Кеше. Җәмгыять. Дәүләт" дигән темага Парламент дәресе үтте. Дәресне Валиуллин В.В. һәм Акбүре авылы җирлеге рәисе Җәләлетдинов Җ.М. үткәрделәр.

10 нчы февраль көнне мәктәбебезнең талантлары район эстрада сәнгатенең яшьләр “Созвездие- Йолдызлык-2016” фестивалендә актив катнашып грамоталар белән бүләкләнделәр, ә "Конферанс" номинациясеннән 2 укучыбыз гала-концертка үтте. Талантларыбызның барысын да чын күңелдән котлыйбыз.

6,7 нче сыйныф укучылары ветеран укытучыбыз Нурхәмәтова Ф.С. кызына шефлык ярдәм күрсәттеләр.

Бүген мәктәптә Холокост корбаннарын Халыкара искә алу көненә багышланган бердәм сыйныф сәгате үткәрелде.

70 ел элек Кызыл Армия Освенцим концлагеры тоткыннарын азат итә. 2005 елдан әлеге дата Холокост корбаннарын Халыкара искә алу көне буларак билгеләп үтелә.

22-23 гыйнвар көннәрендә Кызыл Октябрь төп мәктәбендә укытучылар өчен “21 гасырда укытуны үзгәртү: фикерләү культурасын үстерү” проекты буенча район методистлары ике көнлек тренинглар үткәрделәр.

Бүген  9 нчы сыйныфларның ата-аналар җыелышы булып узды. Җыелышның көн тәртибендә укучылырның 1 яртыеллык нәтиҗәләре һәм ГИА нәтиҗәләре, әзерлекләре буенча эш алып барылды. 

Менә  3 нче чирек башланып китте.  Әлеге чирек башка чирекләрдән озын булуы белән аерылып тора. Шунлыктан укучылардан аерым көч,тырышлык сорала. Барлык укытучыларга, укучыларга сәламәтлек, эшләрендә, укуларында уңышлар телибез!