Акъяр башлангыч мәктәп-балалар бакчасында грипп һәм ОРВИ авыруларын кисәтү буенча ата-аналар җыелышы булып узды.Җыелышта Акъяр ФАП мөдире Фәния Рәшит кызы Шәмсетдинова грип һәм ОРВИ авырулары турында,аларны кисәтү һәм саклану турында сөйләде.

   3 нче сентябрь  көнне Акъяр башлангыч мәктәбе коллективы Акъяр мәдәният йорты белән берлектә Беслан трагедиясендә һәлак булучыларны 1 минутлык тынлык белән искә алды.Мондый куркыныч хәлләр беркайчан да кабатланмасын иде.Илебез тыныч,тормышыбыз матур булсын,балаларыбыз сау-саләмәт килеш җылы,якты мәктәпләрдә белем алсыннар. 

     Республика буенча уза торган "Үз мәктәбеңә булыш!" акциясе кысаларында Акъяр башлангыч мәктәбен төзекләндерүгә  авылдашларыбыз: Кәлимуллина Х.Ф.,абыйлы-энеле Сөләймановлар  зур өлеш кертәләр.  Быелгы уку елы башланганчы  "Татэнергосбыт"ның генераль директоры Сөләйманов  Рифнур Хәйдәр улы мәктәп территориясе һәм мәктәпкә керү юлына брусчатка җәйдертте.Аларга мәктәп коллективы һәм ата-аналар исеменнән зур рәхмәтебезне белдерәбез! 3 нче сентябрь көнне Рифнур  Хәйдәр улы белән район башлыгы Козлов В.М. мәктәбебездә кунак булып киттеләр.

Сентябрь  килде гөрләп,

Урамнар ямьләнделәр.

Сумка тотып балалар

Мәктәпкә юнәлделәр.

Исәнме, мәктәп, исәнме!

Без сине сагынып беттек.

Сентябрь ае җиткәнен

Түземсезләнеп көттек.