Без 3 нче номерлы уртанчылар төркеме балалары белән  “Аулак өй” уенын үткәрергә булдык.. Әти-әниләр дә каршы килмәделәр,бик теләп ярдәм кулы сузарга булдылар. Әзерлек күптәннән башланды,чөнки без ул уеннарны көндә уйныйбыз.  Балалар барлык җырларны, биюләрне күптән беләләр иде. “ Зәңгәр чәчәк”, “ Чума үрдәк ,чума каз”, “Матур уен”, “ Каз канаты” , “ Йөзек салыш” һәм башка уеннар , биюләрне балалар бик яратып уйнадылар һәм җырладылар... .Матур итеп төркемне бизәдек:сөлгеләр, чиккән тастымаллар  җәйдек, әниләр табыннарга татар ашлары: чәк-чәк, бавырсак, кош теле  һәм башка татар милли   ризыкларын әзерләп килделәр..  Уеныбыз бик күңелле үтте, балалар да бик шатланып катнаштылар, әниләре дә бик рәхәтләнеп биеделәр, җырладылар, күңел ачтылар.Мондый бәйрәмнәрне үткәрү балаларда татар халык уеннарына, традицияләренә мәхәббәт уятудан гыйбарәт иде. Без, шул төркемдә эшләүче тәрбиячеләр, үз максатыбызга ирештек дип уйлыйбыз. Киләчәктә дә шундый уеннар, иртәләр күбрәк булыр дип ышанып калабыз.