Мәктәбебездә Халыкара туган тел көненә багышлап уздырылган "Хикмәтле дә, бизәкле дә  туган тел!" дип аталган әдәби-музыкаль кичә күпләрнең күңеленә хуш килде. Сәхнәдән туган телдә шигырьләр яңгырады, мәкальләр әйтелде, моң агылды. 7 нче сыйныф укучысы Шагиева Алия  башкарган җырны укучылар алкышларга күмде. 

 Туган телебезне саклау һәм үстерү безнең изге бурычыбыз. Телебезне ямьсез сүзләр белән чуарламыйча киләчәк буыннарга тапшыру - безгә буыннан-буынга калган мирас. Бу мирасыбызны саклыйк һәм мәңгелек итик.

Китапханәчебез  Хәмидуллина Р. Х  ТАССРның 100 еллыгына багышланган викторина үткәрде.Викторина Татарстанның гимны белән башланып китте. Әлеге чараның максаты: укучыларда гражданлык-патриотик хисләр тәрбияләү, Татарстанның тарихы һәм мәдәни традицияләре турында белемнәрне киңәйтү. Викторинада ике команда катнашты. Алар уен барышында Татарстанга бәйле сорауларга җавап бирделәр.

Мәктәбебезнең музеенда  совет гаскәрләренең Әфганстаннан чыгарылуына 31 ел тулуга багышланган квест  үткәредек. Анда  алтынчы сыйныф укучылары катнашты. Квеста кызлар һәм егетләр командасы көч сынашты. Ике команда да сорауларга дөрес һәм төгәл итеп җавап бирделәр.

Мәктәбебездә 5-7 нче сыйныф укучылары “Туган ил сагында” дип исемләнгән рәсем бәйгесендә катнаштылар.

Бирдебәк филиалында“Муса Җәлил - герой шагыйрь» дип исемләнгән шигъри сәгать үткәрелде. Балалар шагыйрьнең тормыш юлы һәм иҗаты белән таныштылар, Куркыныч газаплар да, үлем куркынычы да шагыйрьне куркытмавын белделәр. Балалар М. Җәлил шигырьләрен сәнгатьле укыдылар.

Мәктәбебездә “Әфганстан- йөрәк ярасы” дип исемләнгән батырлык сәгате узды.Чара барышында укучылар бу сугыш һәм анда катнашучылар, совет гаскәрләренең ни сәбәпле Әфганстанга керуләрен хакында белделәр.Тугыз ел, бер ай һәм унтугыз көн. Һәрвакыт күңелнең бер почмагына яшеренгән бу каһәрле саннарны февраль аенда аеруча зур үкенеч белән кабатлыйбыз без. Әфганстан сугышын яктыртып презентацион материал күрсәтелде. Әфганстаннан совет гаскәрләре чыгарылып беткәнгә 31 ел тулды. Әмма сугыш хатирәләре барыбызның да күңелендә шомлы кайтаваз булып яңгырый.Мондый сугышлар башка кабатланмасын иде!