Бу көнгә укучылар белән алдан әзерләнгән идек.Бүген безнең лагерьда зур тантана-лагерь ачылу көне. Балалар җырлар, биюләр әзерләделәр. Татананың икенче өлеше мәктәп каршында бәйрәм концерты булды.Мәктәбебез директоры Н.Ю. Сәләхиев балаларны бәйрәм белән котлады. Безгә кунакка Бегемот, Аю, Аҗдаха килделәр. Алар балаларга кызыклы биремнәр алып килгәннәр иде.Соңыннан бергәләп истәлек өчен  фотога төштек.

Лагерыбызның командалары.

                                                     Аерылмас дуслар иде.

                                                     Бүген шушы дуслар монда

                                                     Көч сынашырга килде.

Ярыш өчен алдан ук командалар бүленеп куелган иде инде. Өч команда да көч сынашты. Ярышта биш тур булды. Табышмаклар, мәкальләр, рәсемнәр белән слайдлар, командирларга сораулар бирелде. “Тамчы-Шоу”күңел ачу уенын барысы да яратып уйнадылар.

Бу көнне балалар зарыгып көтте. Кем генә яратмый икән ул спорт ярышларын. Гадәттәгечә иртәнге линейкадан, аштан, зарядкадан соң спорт мәйданына чыктык. Күңелле эстафеталар уздырылды.Спорт мәйданы сабантуйны хәтерләтте.

Бүген, Котлы Бүкәш урта гомуми белем бирү мәктәбендә лагерьның беренче көнен ачып җибәрдек. "Балаларны яклау көне " уңаеннан бәйрәм оештырылды. Балалар лагерьны сагынып, көтеп алганнар иде.

Бүген мәктәбебез белән походка бардык.Иң элек мәктәп янында тантаналы линейка булды. Конкурсларда катнашкан актив укучыларны мактау грамоталары белән бүләкләдек.Соңыннан табигатькә сәфәр кузгалдык. Анда укучыларны  2 командага бүлеп күңелле эстафеталар оештырдык.Ялыбыз күңелле узды.

Бүген сыйныфларның еллык башкарылган эшләренә йомгак ясалды.Сыйныфлар чыгышларын видеоролик, презентация ярдәмендә эшләп  бик матурлар яклап чыктылар. Әфәрин!