Провели встречу с преподователем  Альмиевой Г.М. и с студентами Рыбно-Слободского агротехнического техникума.Ознокомили учащихся 9-х  и 11-х классов с условиями приема техникума.

9 декабрь –  Россиянең истәлекле көннәре календаренда мөһим дата. Бу көнне һәр шәһәрдә, һәр авылда төрле елларда Ватанны саклап сугышларда каһарманлык, батырлык һәм кыюлык күрсәткән сугышчыларны искә алалар.Без дә үз чиратыбызда “Ватан Геройлары көне”н тантаналы линейкада билгеләп үттек.Бөек Ватан сугышы елларында 11,5 мең кеше Советлар Союзы Герое исеменә лаек була. Алар арасында  безнең якташларыбыз да бар: Михаил Иванович Рыжов, Зәки Шәймардан улы Шәймарданов, Александр Максимович Меркушев, Селиверст Васильевич Давыдов, Александр Тимофеевич Сергеев, Игнатий Павлович Петухов, Климент Сергеевич Русаков Миннулла Сөнгат улы Гиззатуллин, Валентин Прокофьевич Иванов.Бу каһарманнар белән беррәттән Александр Матросов батырлыгын кабатлап һәлак булган Барый Шәвәлиев бюстына чәчәкләр куйдык.Һәр чорның үз геройлары бар. Әмма Ватанны саклап батырлык күрсәткән каһарманнарны без  аеруча хөрмәт итәргә һәм онытмаска тиешбез.

Бүген бездә Югары Тегермәнлек ОП җитәкчесе Филипов В.Н. һәм аның урынбасары Гайнуллин Р.Г. укучылар белән "Янгынга каршы махсус режим" таләпләре белән таныштырдылар.

  Буген без әниләр көненә багышланган "Иң-иң" дип аталган әдәби-музыкаль кичә үткәрдек.Ни өченме? Чөнки бүген иң-иң ямьле,затлы бәйрәмнәрнең берсе - Әниләр бәйрәме.Бүген бездә кунакта иң-иң кадерлеләребез-Әниләр! Хөрмәтле әниләр!Сезне бәйрәмегез белән котлыйбыз!Сезгә ныклы сәламәтлек,иминлек,озын гомер телибез.Һәрвакыт шат,сөйкемле,бәхетле булыгыз!

3 ноябрь көнне  барлык сыйныфлар өчен "Сәламәтлек көне" үткәрдек.Укучылар ГТО нормативлары белән таныштылар һәм тапшырдылар.

   ЮИД түгәрәге әгъзалары "Юл йөрү кагыйдәләрен яхшы бел" интеллектуаль бәйгедә көч сынаштылар.Командалар "Светофор" һәм "Зебра" исеме астында ярыштылар.Бик кызыклы,мавыктыргыч уенда  "Светофор" командасы (6нчы сыйныф укучылары) җинүгә иреште."Зебра"командасы да лаеклы ,матур уен күрсәтте.Чара файдалы һәм күңелле үтте.

Балык Бистәсе районында 2001-2003 елгы укучылар арасында мини-футбол ярышы булды.12 мәктәп катнашында үткән әлеге ярышта безнең мәктәп командасы II  урынны алды.Молодцы егетләр !!!

    Лаеш районы «ФКУ «Центр ГИМС МЧС России по РТ» участок инспекторы Каримов Ильшат Фаридович елның теләсә кайсы фасылында мәктәпләрдә сулыкларда сак булуны кисәтү буенча эзлекле эш алып бара. Инспектор  5-11 класс укучыларына көзен сулыкларда, бозда сак булу кирәклеге турында аңлатулар алып барды, әлеге җәһәттән киңәш-тәкъдимнәрен бирде,укучылар практик эшлэр эшләде.

   Бүген без халкыбызның иң гүзәл бәйрәмнәрнең берсе- Сөмбелә бәйрәмен үткәрдек. Елның сихри фасылында, көн белән төн тигезләшкән мәлдә, татар халкы Сөмбелә бәйрәмен үткәргән. Ул – көзге бәйрәм, уңыш бәйрәме. Җитен чәчле, зәңгәр күзле, зифа буйлы, сүзгә тапкыр, эшкә уңган кызны да Сөмбелә дигәннәр.Бәйрәм Сөмбеләләр чыгышы белән башланып китте, төрле конкурслар,уеннар белән үрелеп барды.Һәр класс уңыш өстәле әзерләгән иде.Бәйрәм күңелле үтте.

Хөрмәтле   укытучылар! Бәйрәмегез белән сезне! Уңышларыгызга сөенеп, бәхет хисе кичереп яшәгез. Һәр таңны сау-сәламәт каршылагыз, замана авырлыклары, күңел төшенкелеге сезне читләтеп үтсен! Бәхетле булыгыз!