"Әниләр көне"

Бакчабызда "Әниләр көнен" бик күңелле үткәрдек. Бәйрәмдә балалар кадерле әниләренә һәм әбиләренә кызыклы шигырьләр сөйләделәр, матур җырлар җырладылар, әкиятләрдән өзекләр куйдылар. "Әпипә", "Калинка", "Кояшкай" биюләрен башкардылар. Һәр бала үзенең иң якын кешесенә "Көмеш лилия чәчәге"н бүләк итте. Әбиләр - әниләр бүләкне зур рәхмәт кабул иттеләр.

Бәйрәм башланганчы ата - аналар җыелышы булды. Җыелышта наркоманиягә каршы "Кайгы җиле ишек какмасын" дип исемләнгән доклад укылды. Әниләр "Әни кирәк" темасына анкета тутырдылар.

Кадерле әниләребез, сабыр һәм йомшак күңелле әбиләребез, бик зур рәхмәт сезгә! Гел шундый якты йөзле, тәмле сүзле булып оныкларыгызны. балаларыгызны сөендереп, озак яшәгез! 

                           Корбан гаете

   Бакчабызда "Корбан гаете"н билгеләп үттек. Кунагыбыз Әлфинур абыстайның догаларын тыңладык.Балалар да үзләренең белгән догаларын укыдылар.Пешекчебез Лилия апа бик тәмле итеп корбан итеннән пешерелгән аш һәм өчпочмак белән сыйлады. Бәйрәмебез бик күңелле үтте. Кадерле милләттәшләр! Барыгызны да шушы изге бәйрәм-"Корбан гает"е белән котлыйбыз.

                                         Кабак бәйрәме

Районыбызда һәр ел саен "Кабак бәйрәме" уза.Без дә бу бәйрәмдә ел саен бик теләп катнашабыз.

Балалар әти-әниләре белән үзләренең бакчаларында үскән кабаклардан,җиләк-җимешләрдән,яшелчәләрдән үзенчәлекле һәм кызыклы төрле-төрле композицияләр ясадылар.