Бердәмлек, татулык куп кенэ авырлыкларны җиңеп чыгарга мөмкинлек биргән.Кечкенәләр төркеме балалары дуслык, бердәмлек төшенчәләре белән таныштылар һәм Татарстан халкының бердәмлеген пластилиннардан кешеләр ясап күрсәттеләр.

Егылсаң торып була,

Торсаң йөгереп була,

Йөгерсәң җитеп була,

Дусларың гына булсын.

"Без рәсем ясарга яратабыз. Буяулар, карандашлар - безнен якын дуслар шул. Апа безгә матур флаг алып кергән. Анда яшел, кызыл төсләр куп,ә ак төс әз генә. Ә уртасында ниндидер җәнлек тә бар. Апа сөйләгәч, белдек инде, бу Туган җиребезнең флагы икән, ә уртасында ак барс төшерелгән. Флагны тырышып ясадык,ә менә барсны ясап булмады эле. Әзрәк үсик кенә, анысын да ясарбыз!" -диде нәниләребез.

Көзге яфраклар бәйләме

Күзләрне камаштыра.

Көзнең соңгы бүләкләре

Иркәли, яраттыра.

Кечкенәләр төркеме балалары Чулпан апалары белән математика шөгыленә Акбай белән Сарбайны кунакка чакырганнар. Сарбай - зур эт, ә Акбай - кечкенә эт. Балалар этләрне бик яраттылар, аларны ашаттылар да башка йорт хайваннары белән дә таныштырдылар. Ә соңыннан ике эткә дә кострукторлардан оя төзеп бирделәр. Билгеле инде Сарбайга зур оя,ә Акбайга кечкенә оя булды.

Кечкенәләрнең музыка шөгыленә нәрсә килгән? Эээ, Аю дускай килгән икән!

- Аю, Аю, Аюкай!

Кәрзинеңдә ниләр бар?

- Кәрзинемдә кыярлар, помидорлар, алмалар...

Аю дуска, Көз кызы, балаларга дип, көз күчтәнәчләре җибәргән икән. Нәниләр сөенделәр, җиләк-җимешләрне, яшелчәләрне тотып апайларына кушылып "Көз һәм балалар" җырын җырладылар. Аю дускай белән "Поезд" уенын да уйнадылар, бик күңелле булды. Аюны әнисе янына озаттылар, тагын кунакка чакырып калдылар.