14  нче октябрь көнне Сәләтле балалар мәктәбендә “Татар теле һәм әдәбияты фәненә мәхәббәт тәрбияләүдә,белем бирүнең сыйфатын үстерүдә инновацион технологиялар куллану” темасына, татар теле һәм әдәбияты укытучыларының районкүләм семинары үтте. Семинарны Милли мәгариф һәм төбәкара хезмәттәшлек буенча методист Гайнуллина Л.Ф., мәктәп директоры Билалова Л.Р. ачып җибәрделәр. Укытучыларга “Хикәя фигыльнең заман белән төрләнеше” (Сөләйманова Д.А.), “Татар халык әкияте “Хәйләгә каршы хәйлә”(Садыйкова Г.И.), “Татар теле һәм әдәбияты дәресләрендә информацион технологияләрне куллану-заман таләбе” (Галимҗанова  С.В.), “Укучыларның сөйләм телен үстерүдә мультимедиа ресурсларны куллану”(Салихова А.Р.) темаларына  ачык дәресләр һәм мастер-класслар күрсәтелде. Психологик һәм социаль үзәк җитәкчесе Ногуманова А.И.  тарафыннан  “Профессиональ талчыгуны ничек булдырмаска?” темасына тренинг үткәрелде. Кунаклар шулай ук “Татар халкының язу тарихы” композициясе белэн дә таныштылар (Билалова Л.Р.).Семинар түгәрәк өстәл артында уй-фикерләр уртаклашу белән тәмамланды.