Мәктәбебез кулдан килгәнчә хәйрия эшләрендә үз өлешен кертергә тырыша. Кичә, 31 май көнне без, Сәләтле балалар мәктәбе тарафыннан Лилия Нуруллинага ярдәм йөзеннән оештырылган хәйрия концерты булды. Әлеге концерт кысаларында хәйрия ярминкәсе дә оештырылган иде. Бу чараларда укучылар, әти-әниләр, укытучылар коллективы актив канашты, кулларыннан килгәнчә ярдәм итте. Барлыгы 34500 сум күләмендә акча җыелды, авырту ана счетына концерт барышында онлайн рәвештә күчерелде.
     Безнең чакыруыбызны җавапсыз калдырмыйча, хәйрия концертына “Айфара” төркеме солисты Алмаз Шарифуллинга да үз өлешен керткәне өчен без бик рәхмәтлебез. Шулай ук Саба муниципаль районы мәдәният бүлеге җитәкчесе Загидуллин Рөстәм Фидаилевичка, барлык хезмәткәрләргә, әти-әниләргә зур рәхмәт әйтәбез, эшләгән изгелекләре үзләренә тагын да күбрәк булып әйләнеп кайтсын.
Гомер китабының һәрбер бите
Гүзәл эшләр белән бизәлсен
Кылган гамәл тик изгелек булып
Калсын әле җирдә бездән соң.
Онытмаек шуны кайчагында
Бер җылы сүз җитә кешегә
Күңеле изгелектә булганнарның
Гөрләр бара һәммә эше дә.