Лагерьның бүгенге көне күңелле сәяхәт, кызыклы һәм мавыктыргыч уеннар, үзенчәлекле һәм креатив кул эшләре белән истә калырлык итеп үтте. Кояш нурлары астында, саф һавада балалар районыбызның Яр буе ял паркына экскурсиягә бардылар, күңелле уеннар уйнадылар. Тәмле төшке аштан соң, отрядлар “Тапкырлар һәм зирәкләр” интелектуаль уенында көч сынаштылар. III отряд – 1, II отряд – 2, I отряд – 3 урын яулады. Көннең икенче өлешендә яраткан әби-бабаларын бәйрәм белән котлап, берсеннән-берсе матур открыткалар ясадылар. Бүгенге көн бик файдалы һәм кызыклы булды, балалар өйләренә күтәренке кәефтә кайтып киттеләр.