Мәктәп яны ял һәм сәламәтләндерү лагерының кызыклы һәм файдалы булып тагын бер көне узып китте. Бүгенге көн планы күбрәк спорт һәм мәдәниятны берләштергән күңелле чараларны үз эченә алды. Балалар  “Олимп” стадионында саф һавада уен мәйданчыкларында ял иттеләр, футбол уйнадылар. Тәмле төшке аштан соң  алар отрядларда әкият куярга әзерлек эшен башлап җибәрделәр. Балаларга бүгенге көн бик ошады, бүләкләр алып өйләренә таралыштылар.