Мәктәп яны лагеры гөрләп үз эшен алып баруын дәвам итә. Менә инде лагерьның соңгы атнасына да аяк бастык. Бүгенге көн дә бик күңелле үтте.
     Иртәнге аштан соң һәр отрядта “WorldSkills” халыкара һөнәри осталык буенча дөнья чемпионатына багышланган мәгълүмат сәгате узды. Укучылар мәктәпне тәмамлаганнан соң кая укырга керергә теләүләрен, планнары белән уртаклаштылар, һөнәрне дөрес сайлауның мөһимлеге турында сөйләштеләр. Шулай ук әйдаманнарыбыз һәр отрядны 22-27 нче августта Казан шәһәрендә узачак, дөнья чемпионаты “WorldSkills-2019” ка багышланган видео ярдәмендә хәзерге хемәт базарында кирәкле һөнәрләр белән таныштырып узды.
     Шулай ук “ИнтелЛето”да тәрбияләнүчеләр бүген ПДН инспекторы – Габдрахманов Р.В. белән очраштылар. Раиль Васмлевич укучыларга пожар куркынычсызлыгы, юл йөрү кагыйдәләрен үтәү турында әңгәмә уздырды. Татарстан Республикасының 71 нче номерлы закон таләпләренә дә күзәтү ясалды.
      Көннең икенче яртысында балалар “Минем хыялымдагы һөнәр” темасына рәсем ясадылар. Саф һавада төрле кызыклы уеннар уйнадылар.