Бүген Сабабызда зур бәйрәм —​ «Кабак бәйрәме —​ 2020». Әлеге чарада мәктәбебез ел саен катнаша. Быел кабактан эшләнмәләр берничә юнәлештә башкарылды: «Саба районының 90 еллыгы», «ТАССРга —​ 100 ел» һәм «Бөек Җиңүгә 75 ел» уңаеныннан. Шулай ук мәктәбебездә эшләп килүче «Мозайка» түгәрәгенең иҗат җимешләре һәм технология дәресендә укучыларыбыз тарафыннан​ тегелгән​ ​ «Көзге мода» киемнәр коллекциясе дә күрсәтелеп югары бәяләнде. «Кабак бәйрәме»ндә мәктәпләр арасында «Кабактан ясалган иң матур композиция» номинациясендә мәктәбебез I дәрәҗәдәге диплом белән бүләкләнде. Әлеге җиңүебезгә зур өлешләрен керткән әти-әниләргә, укытучыларга,​ укучыларга зур рәхмәтебезне җиткерәбез, алга таба да бергә-бергә яңа үрләр яуларга насыйп булсын.