Бүген 18 сентябрь көнне "Ямьле Саба" яр буенда районыбызның иң матур чараларының берсе булган "Кабак бәйрәме" булып узды. Әлеге күркәм бәйрәм ел саен бик күп халыкны үзенә җыя. Барлык оешма-предприятиеләр алдан ныклап әзерләнәләр һәм төрледән-төрле эшләнмәләр, ризыклар, чыгышлар тәкъдим итәләр. Быелгы чарага да, елдагыча, безнең Сәләтле балалар мәктәбе зур әзерлек белән чыкты. Һәм "Иң матур фотозона" номинациясендә лаеклы рәвештә 2нче урын алды. Эчтәлекле күргәзмә ясауда ярдәм иткән барлык укучыларга, әти-әниләргә һәм мәктәп хезмәткәрләренә зур рәхмәтебезне җиткерәбез. Алдагы тормышыгызда бары уңышлар, сәламәтлек һәм бәхет теләп калабыз.