Бүген мәктәбебезнең 7нче һәм 8 нче сыйныф укучылары Саба үзәк китапханәсендә Туган телләр һәм халыклар бердәмлеге елы уңаеннан уздырылган "Мин кулыма китап алам..." дип исемләнгән әдәби-интеллектуаль  уенда катнашты. Уен башында укучылар 2 командага бүленделәр һәм үзара көч сынаштылар. Уен татар фольклорына багышланган иде. Укучылар 1 һәм 2 турларда мәкальләр һәм сынамышларны дәвам иттеләр. 3 турда табышмакларга җаваплар эзләделәр. Ә 4 турда исә,  риваятьләрне (легенда) искә төшерделәр. Онлайн сәхифә дип аталган соңгы өлештә балаларны Айгөл Әхмәтгалиеваның "Мин гашыйк булдым" дип аталган яңа китабы белшн таныштырдылар, укырга киңәш иттеләр. Укучылар барлык тур биремнәренә дә җавапларны таптылар. Уен бик күңелле , кызыклы булды, балаларга бик ошады. Китапханә хезмәткәрләренә рәхмәт белдерәбез, эшләрендә иҗади уңышлар телибез.