17 —  20 нче апрель көннәрендә  Казан шәһәрендә татар теленнән IX халыкара олимпиада үткәрелде. Бәйгенең төп максаты - татар телен саклау һәм үстерү, аны дөньякүләм дәрәҗәгә күтәрү, туган телгә, әдәбиятка, сәнгатькә карата кызыксыну уяту, ихтирам хисләре тәрбияләү. Олимпиадада  республика этабында призлы урыннар яулаган   укучылар катнашты. Чара кысаларында   олимпиадада катнашучылар 17нче апрель көнне К.Тинчурин театрында “Син бит минем бер генәм”, 18нче апрель көнне   Г.Камал академия театрында "Мәхәббәт FM" спектаклен тамаша кылдылар.  “Авторучка” фильмын карадылар.   19нчы апрельдә Казан шәһәре буйлап экскурсиядә булдылар, татарча дискотекада катнаштылар. Олимпиадада укучылар ике турда көч сынашты. Башта теоретик биремнәрне үтәделәр, аннары “Минем шәҗәрәм” темасына проект эшләре якладылар.   Әлеге бәйгедә мәктәбебезнең 9 нчы сыйныф укучысы Хурамшина Фәридә белән 11 нче сыйныф укучысы  Хисамиева Азалия- җиүңчеләр (укытучылары Шәмсетдинова Л.Т., Галимҗанова С.В.) һәм  Галиуллина Ясминә ( 10 нчы сыйныф),  Галиакберова Гөлнара ( 11 нче сыйныф) (укытучылары Галимҗанова С.В.) призлы урыннарга ия булдылар.
     Олимпиада җиңүчеләрен тәбрикләү тантанасы барышында “Илһам” бөтенроссия яшь язучылар бәйгесендә призлы урын алган укучыларны да котладылар. “Илһам”   бәйгесендә мәктәбебезнең 11 нче сыйныф укучысы  Хисамиева Азалия (укытучысы Галимҗанова С.В.)  лауреат исеменә   лаек булды.
     Җиңүчеләрне һәм җитәкчеләрен  котлыйбыз, алга таба да уңышлар, яңа җиңүләр телибез