Сугыш... Күпме сабыйның язмышына үтеп кереп, өмет-хыялларын чәлпәрәмә китергән, балачак бәхетеннән мәхрүм иткән. Аларның бала чаклары булмаган да диярлек, чөнки алар сугыш чоры балалары. Ятимлек ачысын да татыганнар, ачлык белән дә күзгә-күз дә очрашканнар. Тик тормышта никадәр авырлыклар күрсәләр дә, алар сынмыйча-сыгылмыйча яшәүләрен дәвам итә. 
     Бүген Ганиева Әнисә Илгиз кызы 3 сыйныф укучыларын "Бөек Ватан сугышы чоры балалары турында хәтер альбомы" белән таныштырды. Әлеге җыентыкта сугыш чоры балаларының тормыш юлы сурәтләнә. Укучылар игътибар белән тыңлап утырдылар. Үзләренең әби-бабалары хатирәләре белән дә уртаклаштылар. Әлеге тәрбия чарасы бик эчтәлекле һәм файдалы  булды. Ә күңелләрендә бер генә теләк: "Сугышлар кабатланмасын".