22 — ​ 25 нче апрель көннәрендә ​ Казан шәһәрендә татар теленнән X халыкара олимпиада үткәрелде. Бәйгенең төп максаты - татар телен саклау һәм үстерү, аны дөньякүләм дәрәҗәгә күтәрү, туган телгә, әдәбиятка, сәнгатькә карата кызыксыну уяту, ихтирам хисләре тәрбияләү. Олимпиадага ​ республика этабында призлы урыннар яулаган ​ укучылар, онлайн тест үтеп, сайлап алындылар.​ Чара кысаларында ​ олимпиадада катнашучылар 22​ нче апрель көнне К.Тинчурин театрында “Нәзер”​ спектаклен тамаша кылдылар,​ ​ “Минтимер һәм аның дуслары” фильмын карадылар.​ ​ 24​ нче апрельдә Казан шәһәре буйлап экскурсиядә булдылар, татарча дискотекада катнаштылар. ​ ​ Олимпиадада укучылар ике турда көч сынашты. Башта теоретик биремнәрне үтәделәр, аннары “Юнеско —​ милләт сагында” темасына проект эшләре якладылар. ​ Әлеге бәйгедә мәктәбебез​ ​ укучылары​ ​ Каримуллина Айсылу ( 8 нче сыйныф),​ Хурамшина Фәридә ( 10 нчы сыйныф) һәм Гайзуллина Дилә (11 нче сыйныф)​ призлы урыннарга ия булдылар.​ Җиңүчеләрне һәм җитәкчеләре Шәмсетдинова Ләйсән Тимергали кызын​ котлыйбыз, алга таба да уңышлар, яңа җиңүләр телибез!