8 нче февраль көнне Сатыш авылында “Иң яхшы педагог-оештыручы”  конкурсының район этабы үтте. Безнең мәктәбебезнең педагого-оштыручысы – Мингазова Г.Ш. 2 нче сыйныф укучылары белән “Бөек Җиңү кайтавазы” исеме астында җыен үткәрде. Бөек Ватан сугышы хатирәләрен искә төшерү һәм яшь буынны аның белән таныштыру, укучыларның иҗадый сәләтен ачу һәм үстерү аша әхлаклылык сыйфатлары һәм патриотик хис тәрбияләү - максат итеп куелган иде. Кызыклы уеннар уйнап танышу, игътибарлыкларын тикшерү, сугышта катнашкан якташларыбызны искә алу, “Озатып вокзаллар каршында” җырын өйрәнү, “Без тынычлык телибез” акциясы уздыру – укучылар тарафыннан җылы кабул ителде.