20 февраль көнне  “Саба дулкыннары” радиосының  “Мәктәпләр тормышыннан” тапшыруында Сәләтле балалар коллективы чыгыш ясады. Бу тапшыруда катнашуыбызның максаты барлык радио тыңлаучыларны үзебезнең мәктәп тормышы белән таныштыру иде.
     Дөрестән дә, радио тыңлаучылар чыгышлар аша мәктәп турында кызыклы һәм файдалы мәгълүмат алдылар:  Ләйсән Рәкыйповна – мәктәпнең ирешелгән уңышлары, Гөлшат Данилевна – иңглиз телендә үтүче тәрбия сәгатьләре, Айгөл Шаһинуровна – мәктәптә тәрбия эшенең торышы, Ләйсән Тимергалиевна – “Яңа караш” фәнни берләшмәсенең эшчәнлеге белән таныштырды. Тапшыруда шулай ук “Самостоятельные дети” төркеме укучылары һәм республика күләм театр сәнгате фестивале җиңүчеләре – 1 сыйныф укучылары да чыгыш ясады. Чыгышлар Нәфкать Мөбәрәкшин (7 кл.), Йолдыз Шәрифуллина (8 кл.), 1 һәм 11 сыйныф укучылары, Гөлия Шамилевна (педагог-организатор) башкаруында җырлар белән үрелеп барды. Тапшыруны 8 нче сыйныф укучылары Гыйләҗетдинов Булат һәм Мусина Ләйсән алып барды.
    Тапшыруны шушы сылтама буенча тыӊларга була.