Көннең яктылыгы кояшта, күкнең матурлыгы йолдызларда, җир йөзенең гүзәллеге хатын-кызларда. Сезне шул җир йөзе бизәкләрен халыкара хатын-кызлар көне белән ихлас күңелдән кайнар тәбрик итәбез! Бәйрәмнең кайсы да тәнгә җиңеллек, рәхәтлек, җанга ял алып килә. Шушы бәйрәм көне, елмаеп баткан кояш матурлыгын, табигатьнең самимилеген өстәп, күңелегзгәә шатлык, тәнегезгә сихәтлек,  өегезгә иминлек алып килсен. Яз сулышы күңелләрегезгә сабырлык, барчагызга саулык китерсен. Ходай сезне үз шәфкатьлелеге, рәхимлелегеннән ташламасын, теләкләрегезне тормышка ашырырга ярдәм итсен, өстәлләрегез ямьле, аш-суларыгыз тәмле, бәйрәмегез мөбәрәк булсын.

Ихлас күңелдән юллыйбыз
Иң-иң изге теләкләр:
Озын булсын гомерләр
Тыныч булсын күңелләр.

Күркәм булсын иртәләр,
Бәхет китерсен көннәр,
Шатлыкка тулсын кичләр,
Ял-сихәт бирсен төннәр.

Бәйрәм булсын мөбарәк,
Табын булсын түгәрәк!
Бүгендәй бәйрәмнәрне
Гел каршылыйк бергәләп!

Иң изге теләкләр белән Сәләтле балалар мәктәбе коллективы