6 нчы май көнне Балалар иҗат үзәгендә “Сәләтле балачак - өметле киләчәк” конкурс–фестиваленең йомгаклау кичәсе үткәрелде. Бәйгенең төп бурычлары һәм максатлары булып үсеп килүче яшь буынны сәнгать ягыннан үстерү, активлаштыру, Бөтендөнья халыкларының гореф-гадәтләрен сәнгати яктан камилләштерү иде.

Жюри рәисләре:
Шафикова Гөлнар Илдар кызы – мәгариф идарәсе җитәкчесенең тәрбия эшләре буенча урынбасары;
Габделхаков Айнур Газинур улы – Ш.Биктимеров исемендәге Саба мәдәният йорты директоры;
Ярмөхәммәтова Гөлфинә Зөфәр кызы – Саба балалар сәнгать мәктәбенең укыту-тәрбия эшләре буенча директор урынбасары.
Гыймадиева Тәнвирә Гыйлмулла кызы - Татарстанның атказанган мәдәният хезмәткәре, Сәнгать мәктәбенең хореография түгәрәге җитәкчесе.
Безнең мәктәбебез дә бу конкурста актив катнашты. “Хореография” номинациясендә 5-8 нче  сыйныфлар арасында  “Ритм” бию ансамбле 1 нче урын (җитәкчесе Насибуллина Миләүшә Гайфулла кызы), “Вокал ансамбле” номинациясендә “Хыял” ансамбле 2 нче урынга лаеклы дип табылды (җитәкчесе Мингазова Гөлия Шамил кызы).
“Остаз” номинациясендә җиңүчеләр дип  “Вокал” түгәрәге җитәкчесе Мингазова Гөлия Шамилевна һәм “Хореография” түгәрәге җитәкчесе Насибуллина Миләүшә Гайфулловна билгеләнде. Җиңүчеләр диплом һәм акчалата премия белән бүләкләнде. Котлыйбыз!!!