Бүген, 18 сентябрь көнне, мәктәбебез педагог-оештыручысы  Гөлия Шамилевна тарафыннан 4 нче сыйныф укучылары белән "Дәүләт символлары" исеме астында җыен үткәрелде. Максат һәм бурычлар итеп Россия Федерациясе һәм Татарстан Республикасы дәүләт символлары турындагы төп белемнәрне ныгыту; дәүләт символикасына хөрмәт, патриотизм һәм үз илеңә, республикаңа һәм шәһәреңә мәхәббәт тәрбияләү; укучылар белән төрле чаралар үткәргәндә дәүләт символикасын куллану ихтыяҗы тудыру; укучыларның коммуникатив белемнәрен һәм күнекмәләрен үстерүгә ярдәм итү (төркемнәрдә эш оештыру, үз фикереңне әйтә һәм яклый белү, башкаларны да тыңлау) куелган иде.  Укучылар тарафыннан  РФ һәм ТР флаг, гимн, герб авторлары, аларның кайчан һәм кем тарафыннан раслануы, төсләренең нинди мәгънәгә ия булуы зур кызыксыну белән кабул ителде. Алар җыен барышында күп яңа мәгълумәт алып, уеннар барышында актив катнашып утырдылар. Гомумән алганда, җыеныбыз күңелле һәм файдалы үтте.