Илебез буенча октябрь ае башында Өлкәннәр көне уздырыла. Төрле җирләрдә өлкәннәрне котлаулар, бүләкләүләр, искә алулар бара.
Өлкән кешеләр – безнең әти-әниләребез, әби-бабайларыбыз. Алар бик күп авырлыклар күргән, дөньяның ачысын-төчесен  татыган кешеләр. Аларны өлкән булган өчен генә түгел, ә әти-әниләребез, әби-бабайларыбыз булган өчен дә хөрмәт итәргә тиешбез.
1 октябрь  көнне безнең мәктәптә дә олылар көненә багышланган кичә булып узды. Мәктәпкә кичәгә олы укытучылар чакырылган иде. Кызыклы концерт номерлары, ялкынлы катнашучылар кадерле олы укытучыларыбызның күңелен җылытты. Мәктәбебез директоры Ләйсән Ракиповна һәм мәгариф хезмәткәрләренең район профсоюз комитеты председателе Гулязова Гөлнәзирә Мөдәрисовна тәбрикләү сүзләре әйттеләр. Бу кызыктыргыч та, матур һәм күңелле мизгелләрнең берсе иде.
Безнең мәктәп коллективы янәдән олыларны шушы матур бәйрәм белән кайнар тәбрик итә. Аларга озын гомер, саулык-сәламәтлек, балалар игелеге телибез.
Сызламасын газиз җаннарыгыз,
Сызласа да аяк кулларыгыз.
Озын гомер бирсен сезгә ходай
Рәнҗемәсен кыз һәм улларыгыз
Еллар үтә диеп борчылмагыз
Еллар үтү берни түгел ул
Сау- сәламәт булып озак яшәү-
Үзе бәхет, үзе шатлык ул.