Укучыларыбыз кунаклар килүен бигрәк яраталар инде, шуны сизгәндәй, безнең мәктәп кунаклардан бушап тормый диярлек. 22 апрель көнне, ямь өстенә ямь өстәп, безгә  “Ялкын” балалар һәм яшүсмерләр журналы коллективы килде. Баш мөхәррир Йолдыз Миңнуллина, әдәби мөхәррир Ләйсән Миңнуллина, бүлек мөхәррире Искәндәр Хәбибуллиннар районыбыз укучылары белән бергә, мәктәптә үтүче тарихи – әдәби квестта катнаштылар.
    Ә килүләренең төп сәбәбе – “Ялкын” журналы битләрендә безнең Сәләтле балалар мәктәбе турында таныштыру иде. Алар укучылардан һәм укытучылардан интервью алдылар, мәктәпне җентекләп өйрәнделәр һәм бик ошаттылар. Димәк, киләсе саннарда яраткан мәктәбебез турында язмалар көтеп калабыз.